我的故鄉佇佗位    2019.11.03

 

腦海中…有聲有影一遍擱一遍搬乎自己看…!

“叫著我、叫著我…"

巷仔內酒家ㄟ那卡西伴奏出吉他聲…唱出”黃昏ㄟ故鄉” !

閃爍ㄟ燈火腳…

飄出一陣一陣”阿貴仔切阿麵”有芳()味ㄟ白煙 !

街頭街尾ㄎㄧㄎㄧㄎㄛㄎㄛ ㄟ柴屐聲 !

隔壁丟一咧丟一咧拍棉被聲 !

亭仔跤(騎樓下)掩咯雞(捉迷藏)、拍干樂擱揌()尪仔標 !

戲台頂布袋戲刀光劍影乒乒乓乓、

戲棚腳十八啦、BG跋灌腸(香腸) !

阿公仔 喊 ”鹹桃擱麥芽膏”、

賣魚阿春仔喊"小卷擱鹹魚"!

麥茶車ㄟ嗶嗶仔聲、

醬菜車ㄟ鈴鐺仔聲 !

迎神出山()ㄟ樂隊聲、

炭空(礦坑)爆炸噹噹ㄟ消防車、

紲落去(緊接著) OEOE~ㄟ救護車 !

有聲有影..............

東北風吹去山頂ㄟ菅芒花乎伊溫柔優擺無人問、

東北風吹去海面ㄟ白湧乎伊浮浮沉沉毋知向、

日思夜夢ㄟ故鄉…一遍擱一遍搬乎自己看… !

有聲有影……?...??...???

有聲無影……?...??...???

無聲無影…????????.....我的故鄉佇佗位 !

全站熱搜

石頭ㄚm 發表在 痞客邦 留言(0) 人氣()